ପୋଲସରା, 27/04/2025, ବିକ୍ରମ ଓଡ଼ିଶା ନିୟୁଜ: ବାଇକ ଦୁର୍ଘଟଣା ରେ ଯୁବକଙ୍କ ମୃତ୍ୟୁ ।ପୋଲସରା ୨୫. ୪. ୨୫ ଗଞ୍ଜାମ ଜିଲ୍ଲା ପୋଲସରା ଥାନା ନିକଟ ଚିରିକିପଡା ଶାସନ ନିକଟରେ ଏକ ବାଇକ୍ ଭାରସାମ୍ୟ ହରାଇ ଗଛ କୁ ପିଟି ହୋଇଯାଇଥିଲା ଫଳରେ ବାଇକ୍ ଚାଲକ ଜଣଙ୍କର ମୃତ୍ୟୁ ଘଟିଥିଲା | ତେବେ ମୃତକ ଯୁବକ ଜଣକ ହେଲେ ପୋଲସରା ତୋଟା ସାହିର ଭେଙ୍କେଟସ ବେହେରା (45)| ସୂଚନା ଯୋଗ୍ୟ ଯେ ଭେଙ୍କଟସ ନିଜ ବାଇକ ଯୋଗେ ପୋଲସରା ରୁ ନିଜ ଶ୍ୱଶୁର ଘର କୁଆନଳା କୁ ଯାଉଥୁବା ସମୟରେ ଚିରିକିପଡା ଶାସନ ଗୋଲିଆ ରାସ୍ତା ମଧ୍ୟ ଭାଗରେ ଥିବା ଏକ ଗଛ କୁ ଧକ୍କା ଦେଇଥିଲେ | ଧକ୍କା ହେବା ଫଳରେ ମୁଣ୍ଡକୁ ଶକ୍ତ ଆଘାତ ଲାଗି ପ୍ରଚୁର ରକ୍ତ ସ୍ରାବ ହୋଇ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିଲା | ସେହି ସମୟରେ ଏକ ୧୦୮ଆମ୍ବୁଲାନ୍ସ ସେହି ମାର୍ଗ ଦେଇ ଯାଉଥିବା ବେଳେ ବାଇକ୍ ଚାଲକ କୁ ଉଦ୍ଧାର କରି ପୋଲସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ଯୋଉଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ପୋଲସରା ପୁଲିସ ଘଟସ୍ଥଳରେ ପହଞ୍ଚି ଘଟଣାର ତଦନ୍ତ ଚଳାଇଛି |ମୃତ ଯୁବକ ଜଣକ ମିଲିଟାରୀରୁ ଅବସର ନେଇ ରାୟଗଡା ସ୍ଥିତ ଷ୍ଟେଟବ୍ୟାଙ୍କ ରେ ସିକ୍ୟୁରିଟି ଭାବେ ଚାକିରୀ କରୁଥୁବା ଜଣାପଡିଛି | ପୋଲସରା ରୁ ଜିଲ୍ଲା ପ୍ରତିନିଧି କୃଷ୍ଣ ଚନ୍ଦ୍ର ସାମନ୍ତରାୟ ଙ୍କ ରିପୋର୍ଟ ।