Regd. No: OD-12-0027005
ଜନତା ର ସ୍ବର , ଆମର କର୍ତ୍ତବ୍ୟ
bikramodishanews.com
ଜଗତସିଂହପୁର , 11/06/2025, ବିକ୍ରମ ଓଡ଼ିଶା ନିୟୁଜ: (ଗୋଚର ଜମିରୁ ବେଆଇନି ମାଟି ଖୋଳା କୁ ନେଇ ଗ୍ରାମବାସୀ ଙ୍କ ପକ୍ଷରୁ ତହସିଲଦାର ଙ୍କୁ ଦାବି ପତ୍ର ପ୍ରଦାନ )ଜଗତସିଂହପୁର
ତା =11/6/25ଜଗତସିଂହପୁର ତହସିଲ ଅନ୍ତର୍ଗତ ଅଳସୁଧା ପଞ୍ଚାୟତ ନିଁପୁର ଗ୍ରାମରେ ଥିବା 62ଏକର ଗୋଚର ଜମିରୁ ମାଟି ମାଫିଆ ମାନେ ବେଆଇନି ଭାବେ ବିଳମ୍ବିତ ରାତିରେ ସହ ସହ ଟ୍ରିପ ମାଟି ଖୋଳି ନେଇଯିବା ଘଟଣା କୁ କେନ୍ଦ୍ରକରି ନିଁପୁର ଗ୍ରାମରେ ଅସନ୍ତୋଷ ଦେଖାଦେଇଛି | ଏ ସମ୍ପର୍କ ରେ ସମୂହ ଗ୍ରାମବାସୀ ଜଗତସିଂହପୁର ତହସିଲଦାର ଙ୍କୁ ଲିଖିତ ଅଭିଯୋଗ କରିବା ପରେ ଜଗତସିଂହପୁର ତହସିଲଦାର ଏବଂ ଜ଼ିଲ୍ଲା ଖଣି ଅଧିକାରୀ, ନିଁପୁର ରାଜସ୍ବ ନିରୀକ୍ଷକ କ୍ଷେତ୍ର ପରିଦର୍ଶନ କରି ଘଟଣା ର ତଦନ୍ତ ଆରମ୍ଭ କରିଛନ୍ତି | ଏଠାରେ ସୂଚନା ଯୋଗ୍ୟ ନିଁପୁର ଠାରେ ଥିବା 62ଏକର ଗୋଚର ଅନାବାଦୀ ସରକାରୀ ଜମି ରେ ମେଡିକାଲ କଲେଜ ନିର୍ମାଣ ଲାଗି ଦୀର୍ଘ ଏକ ବର୍ଷ ହେବ ଅଂଚଳବାସୀ କ୍ରମାଗତ ଆନ୍ଦୋଳନ ଜାରି ରଖିଥିବା ବେଳେ ସେହି ଜମିରୁ କେତେକ ମାଟି ମାଫିଆ ବିଳମ୍ବିତ ରାତିରେ ସହ ସହ ଟ୍ରିପ ବେଆଇନି ଭାବେ ମାଟି ଉଠାଇନେବା ଏବଂ ଅଂଚଳବାସୀ ପ୍ରତିବାଦ କଲେ ହତ୍ୟା ଧମକ ଦେବା ଘଟଣାର ନିରପେକ୍ଷ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଁପୁର ଗ୍ରାମର ଶତାଧିକ ଗ୍ରାମବାସୀ ଜଗତସିଂହପୁର ତହସିଲଦାର ଙ୍କ ନିକଟରେ ଦାବି କରିଛନ୍ତି |
ଜଗତସିଂହପୁର ରୁ ଜ୍ୟୋତି ରଞ୍ଜନ ପରିଡା ଙ୍କ ରିପୋର୍ଟ